Santiago, 28 de novembro de 2013.- Entre as iniciativas beneficiadas atópanse negocios relacionados coa consultaría, coaching e formación, centros psicolóxicos, locais de hostalería, academias, comercios, salóns de beleza ou servizos de enxeñería. Entre outros motivos, estas empresas cumpren co requisito imprescindible de crear emprego feminino por conta propia e allea.
O obxectivo deste programa é potenciar o emprendemento feminino para que as mulleres se integren no sector produtivo galego poñendo en marcha, mellorando e consolidando as súas iniciativas empresariais a través de catro liñas de actuación.
A liña Emprende estimula a creación de empresas por parte de mulleres; o plan Innova finanza iniciativas de innovación en proxectos empresariais; Activa trata de reactivar e consolidar os proxectos que debido a crise sofren dificultades de mantemento e Concilia promove programas de apoio á conciliación da vida laboral coa persoal e familiar.
Dende o ano 2009, a Secretaría Xeral de Igualdade leva investidos no Proxecto Emega máis de tres millóns de euros, un investimento que ten permitido crear máis de 400 postos de traballo feminino.
